好多年輕人都鍾意行超市多過街市，貪佢夠方便夠企理。不過其實好多新鮮食材，都真係要落街市兜番轉先買到；而同攤檔老闆打吓牙骹嗰股人情味，亦係惟街市獨有。知到乜嘢係寶嘅雅霏呢日就同大家落街市，兜個圈，買齊晒啲靚餸就返屋企煮飯仔啦！
雖然冬天著得衫多，可以遮住啲肥膏，但若果太過放縱，夏天就慘慘豬啦！所以為一眾愛靚女士著想，雅霏就教大家煲個「五色湯」。做法好簡單，只要將新鮮嘅紅菜頭、西芹、蘿蔔、洋蔥、蕃茄放落個煲滾兩滾，最後加埋嚿冰糖，咁就又健康又滋潤，通腸胃抗氧化一流呀！
齋飲湯唔夠？睇埋雅霏點樣炮製佢嘅芝士腸仔蕃茄飯啦！開飯啦！
